Transcription
1
Monseigneur, quant aux gardes dont, à limportunité de
2
ceux de ceste ville et du sergent du cappitaine Colomb,
3
je vous ay escrit par mon aultre lettre, je verscay à
4
dire que les ungs et les aultres en ont abusé et
5
abusent journellement ; car quand le sergent a prises
6
les amendes des defailhans, ils les ha gardés pour
7
luy, et quand ceux de la ville les ont eues, ilz sen
8
son sont [sic] doné par les jours. A cause de quoy, je
9
pense, sauf votre correction, que vous ferés justement
10
dordoner qu’elles seront mises es mains du
11
vychastellain et par luy employées es reparations
12
des murailhes de ce château, desquelles aussi bien
13
là commune est tenue par les recognoissances qui
14
en sera par ce moyen daultant solagés.
15
Au reste, le sieur de La Motte ne pouvant plus
16
eviter de vous payer les lauds de plaisance, vous va
17
trouver à Valence, cuydant en fère quelque composition
18
avecques vous. Affin que vous en soyés mieux instruict,
19
il vous plairra vous sovenir de deux choses : l’une
20
qu’il a achepté long temps après la veriffication de
21
voz lettres de don, voyre après que vous avés arrenté ;
22
l’aultre que pour vous frustrer, il a faict coucher en
23
son contratct moindre somme quil n’a payé de la
24
picore. Finablement, quil n’a volu obeyr aux commandementz
25
que luy ont esté faictz par vertu des lettres de
26
chabeuil, mays a commise rebellion à justice.
27
Bref, pour luy copper pour ung coup ses esperances
28
et vous oster ceste facherie, je vous supplie luy
29
[169 v°] resouldre que vous entendés que tous voz subiectz payent
30
à voz fermiers ce que justement ilz vous doybvent,
31
et qu’à faulte de ce, vous estes deliberé de les
32
y contraindre par toutes voyes de justice ; que
33
vous trovés maulvaises ses desobeissances et les
34
moyens qu’il a tenus pour vous frustrer de votre
35
droict ; que finablement, si les vieux fermiers
36
luy ont faicte quelque promesse, vous n’en avés
37
qu’à fère et neantmoings nempeschés quil na
38
son pourvoyr comme bon luy sanblera. Aultrement,
39
non seulement, il vous chicanera, mais fera
40
que plusieurs aultres en feront de mesmes.
41
Pour la fin, je vous supplie très humblement commander
42
à lenseigne du cappitaine Mestral deslivrer à
43
ce pourteur largent des soldatz de ce lieu
44
et à lun de voz secretaires de me fère part
45
de voz nouvelles. Surce, je me recommande
46
très humblement à votre bonne grace et prie Dieu,
47
monseigneur, vous avoyr en sa garde. De
48
Grane, ce Xe de fevrier 1574.
49
Votre très humble serviteur
50
L. de brianson